Сместувањето во Резиденција Дабески е организирано со јасна и внимателно осмислена процедура, со цел да обезбедиме сигурност, удобност и соодветна грижа за секој корисник.

Процесот започнува со посета од страна на семејството во нашиот објект. При посетата, имате можност да ја разгледате резиденцијата, условите за престој и да се запознаете со нашиот тим. По разгледувањето, заедно одлучуваме за соодветен термин за сместување.

При оваа фаза, потребно е да се достави медицинска документација и лекарски извештаи. Ова ни овозможува да направиме проценка на здравствената состојба на корисникот и да утврдиме дали можеме да обезбедиме соодветна грижа.

Доколку сè е во ред, се договара точен датум за прием. На самиот ден на сместување, потребно е да се донесат:

• комплетната медицинска документација
• лични документи од корисникот
• лични документи од лицето кое ќе биде потписник на договорот

Истовремено, се врши уплата за едномесечен престој при самиот прием.

Услови за престој

Резиденција Дабески располага со пријатни и функционално уредени простории. Собите се двокреветни и опремени со:

• телевизор со кабелска телевизија
• интернет конекција
• систем за греење и ладење

Тоалетите се заеднички, со вкупно 4 купатила на секој спрат. Објектот е на два спрата, со добро организиран простор за секојдневен живот.

Оддели и капацитет

Резиденцијата е поделена на два дела, со цел да обезбеди соодветна грижа според потребите на корисниците:

• Активен дел – распослан на два спрата, со капацитет за до 32 корисници
• Дементен оддел – со капацитет до 14 лица, кој располага со еднокреветни и двокреветни соби и 4 заеднички купатила

Нашата цел е да обезбедиме безбедна, топла и професионална средина, каде секој корисник ќе добие внимание, грижа и достоинствен престој.

Доколку имате дополнителни прашања или сакате да закажете посета, нашиот тим ви стои на располагање.